Срцевото здравје треба да ни биде приоритет. Повеќето од нас се трудат да водат здрав начин на живот, но секогаш има простор за подобрување.
Различни фактори може значително да влијаат на состојбата на нашето срцево здравје, вклучувајќи ги навиките во исхраната, физичката активност и присуството на нездрави навики како што се консумирање алкохол и пушење.
Срцев удар се јавува кога протокот на крв во срцето е блокиран. Болката во левата рака и градите се добро познати симптоми на срцев удар, но експерт открил дека постои еден суптилен симптом кој често останува незабележан.
Кардиологот д-р Шон Хефрон вели дека гадењето може да биде сигнал за срцев удар, иако ретко се појавува како единствен симптом. Така, кога чувствуваме непријатност во стомакот, нема потреба од паника бидејќи најчесто тоа е предизвикано од помалку сериозни проблеми како труење со храна, грип и слично.
Но, ако се појави гадење заедно со други симптоми, како што се отежнато дишење, забрзано чукање на срцето, болка во градите или болка што се шири на други делови од телото, како што се вилицата или грбот, тоа може да биде причина за загриженост.
„Исто така, симптомите во желудникот може да зависат од тоа кој крвен сад во срцето е засегнат“, објасни тој.
Иако гадење и повраќање за време на срцев удар се невообичаени, особено кај жените, мажите имаат поголема веројатност да имаат киселини, болки во грбот или болки кои потсетуваат на отежнато варење.
Важно е да ги препознаеме различните симптоми за да бидеме свесни за потребата од медицинска помош и да се грижиме за здравјето на нашето срце.
