Постарата ќерка на Моника Белучи и Венсан Касел, Дева Касел се појави на модна ревија во модел на Dolce&Gabbana. На социјалните мрежи се објавени фотографии од 17-годишната убавица која од 15 години почна да се занимава со мода.
Модната ревија се одржа во Рим, а во публиката беше и Моника Белучи. Дева носеше бела тоалета од тантела украсена со бисери.
Луѓето се одушевени од младата девојка.
„Каква совршена наследничка на Моника Белучи. Неверојатно колку си убава. Иста си како мајка ти. Личиш на ангел“, се дел од коментарите на Instagram.
Дева привлекува внимание каде и да се појави, а причина за тоа не се само славните родители. Веќе некое време е една од најбараните модели во модните кругови, а минатата година беше главното лице на кампања за Dior.