Покрената е официјална истрага против фудбалерот Ашраф Хакими (24) поради обвинение за силување, соопшти обвинителството во Нантер.
На Мароканецот Хакими, кој игра за француски ПСЖ, му е забрането да има контакт со младата жена, но му беше дозволено да ја напушти француската територија, соопштија обвинителите. Ниту ПСЖ, ниту Хакими не беа достапни да ги коментираат обвинувањата во последните денови.
Медиумскиот весник Le Parisien, кој прв ја откри истрагата, објави дека 24-годишната жена отишла во полиција во неделата и тврдела дека Хакими ја силувал во неговиот дом во близина на Париз во саботата. Le Parisien наведува дека младата жена не поднела официјална жалба, но обвинителството сепак одлучило да го истражи случајот.
#BREAKING PSG and Morocco footballer Achraf Hakimi charged with rape: prosecutors to AFP pic.twitter.com/n39WqlPApl
— AFP News Agency (@AFP) March 3, 2023
Комуникацијата меѓу Хакими и девојката која го пријавила наводно започнала на 16 јануари преку Instagram. Во саботата на 25 февруари девојката требало да оди во неговиот стан, а фудбалерот на ПСЖ ѝ испратил Uber. Таа во полиција изјавила дека нивниот состанок излегол од контрола. Според неа, тој ја бакнал, ја соблекол и имал секс со неа и покрај тоа што пружала отпор. Девојката потоа наводно го соборила, го оттурнала и успеала да испрати порака до нејзин пријател да дојде да ја земе.
Откако во јавноста протекоа наводите за силување, сопругата на Хакими реши да се разведе од него. Имаат две деца.
Мароканецот Хакими не настапи на натпреварот минатиот викенд бидејќи веќе извесно време е повреден. Според Transfermarkt тој вреди 70 милиони евра, а ПСЖ го донесе од Интер за 68 милиони пред година и пол.