Деветта сезонска победа за Далас Маверикс откако славеше на гости во американската престолнина кај Вашингтон Визардс благодарение на расположениот Тим Хардавеј и дабл-дабл учинокот на Лука Дончиќ. Битката за лидерското место на Истокот ја доби Бостон Селтикс откако победи кај Филаделфија 76ерс.
Гостите од Далас уште во првата четвртина покажаа каде ќе заминат подовите добивајќи ја со 15 поени разлика, или поточно 41:26. На полувреме предноста гласеше +20, а домашните намалија само на крајот откако последната четвртина ја добија со 34:26, за конечни 130:117 за Далас.
Најмногу поени уфрли Тим Хардавеј, 31, а расположен беше и Лука Дончиќ со дабл-дабл учинок од 26 поени и 10 асистенции. Додаде и 7 скока. Дерик Џонс имаше 20 поени. Кај домашните се истакна Кајл Кузма со 22 поена.
Дербито меѓу првопласираните две екипи на Истокот му припадна на Бостон Селтикс со 117:107 на гости кај Филаделфија 76ерс. Селтикс беа убедливи во првата четвртина добивајќи ја со 156 разлика (37:22), но Филаделфија комплетно се врати во втората која ја доби со 16 разлика (36:20) и на полувреме замина со водство од еден поен. Пресудна беше третата четвртина каде Бостон победи со 26:17, а до крајот се играше израмнето.
Џејсон Тејтум со 29 поени (8 скока, 6 аистенции) и Дерик Вајт со 27 поени беа најефикасни кај гостите, додека Жоел Ембиид со 20 поени, 9 скока и 7 аистенции ги предводеше поразените домаќини. Дабл-дабл за гостите постигна Џру Холидеј (18 поени и 10 скокови).
Сега Бостон е лидер на Истокот со скор 9-2, додека Филаделфија е втора со 8-3. Ова беше втор пораз по ред за 76ерс откако синоќа беа поразени од Индијана Пејсерс, исто така дома.
Милвоки Бакс славеше на гости кај Торонто Репотс на крилјата на Демиен Лилард. Од 128 поени на гостите од Милвоки, Лилард уфрли 37, а со 13 асистенции запиша дабл-дабл учинок. Друштво му правеше Малик Бизли со 30 поени, кој, интересно, не запиша ниту една асистенција.
Кај Торонто одличен беше Скот Барнс со 29 пооени, 9 скока и 7 асистенции, но освен дабл-дабл учинкот на Австриецот Јакоб Пелтл, немаше поддршка кај соиграчите.
Резултати:
Вашингтон Визардс - Далас Маверикс 117:130
Атланта Хокс - Њујорк Никс 114:116
Филаделфија 76ерс - Бостон Селтикс 107:117
Торонто Репторс - Милвоки Бакс 112:128
Чикаго Булс - Орландо Меџик 94:96
Феникс Санс - Минесота Тимбервулвс 133:115
Лос Анџелес Лејкерс - Сакраменто Кингс 110:125
Портланд Треил Блејзерс - Кливленд Кавалирс 95:109
Табела:
