Џејмс Харден е новиот кошаркар на Бруклин Нетс, објави синоќа Адријан Војнаровски од ESPN.
Во замена за Харден, Хјустон ги доби Карис Леверт и четири пика од првиот круг, а Кливленд Кавалирс, како трет тим, исто така се вклучени во целата зделка.
Покрај Леверт, тие ги добија и Данте Ексум, Родионс Курукс, а еден од четирите пика е и пикот на Кавалирс од 2022 година, кој го добија од Милвоки Бакс.
Кавалирс со оваа зделка ги добиваат Џерет Ален и Таурен Принс. По големиот трејд, размена на играчи соопштија и Хјустон Рокетс и Индијана. Леверт стана нов играч на Индијана, а Виктор Оладипо на Бруклин.
Харден, Кајри Ирвинг и Кевин Дурент сега се новата голема тројка на НБА лигата.
Инаку, 31-годишниот Харден играше во НБА уште во Оклахома од 2009 до 2012 година заедно со Дурент. Оваа сезона тој има просек од 24,8 поени, 10,4 асистенции и 5,1 скока.