Легендарната американска тенисерка Били Џин Кинг ја коментираше Големата тројка во машкиот тенис и изјави дека мисли дека децата коишто се занимаваат со овој спорт најмногу мотивација гледаат во Рафаел Надал, но сепак смета дека на крајот најмногу Грен слем титули ќе има Новак Ѓоковиќ.
Во моментот Ѓоковиќ, Надал и Федерер имаат по 20 грен слем титули и се сметаат за најдобрите тенисери во историјата.
„Сите тројца се различни. Јас го обожавам Надал. Мојата сопруга и јас го запознавме Надал кога имаше 14 или 15 години. Мислам дека тој не се сеќава на тоа, но се сеќаваме бидејќи го запознавме неговиот огромен потенцијал. Си рековме- ова момче е кул. Сакам да го гледам бидејќи ме импресионира начинот на кој го почитува тенисот. Затоа децата сакаат да бидат како него. На тоа поле, тој е број 1“, рече познатата тенисерка.
„Постарите луѓе повеќе го сакаат Федерер поради неговата елеганција. Новак се држи до своите вредности. Ѓоковиќ е единствен и неповторлив“, изјави Били Џин Кинг.