Поранешниот светски шампион во бокс и актуелен градоначалник на Киев, Виталиј Кличко се придружи на војската на Украина и ги повика останатите функционери да го направат истото, пренесе The New York Times.
Тој почна да вежба со украинскиот резервен состав среде зголемената тензија меѓу Украинa и Русија.
Кличко го опиша Путин како „гангрена“ што ја погодува Европа, бидејќи расте стравот дека Русија планира инвазија. Тој беше избран за градоначалник во 2014 година, а за во интервју зборуваше за учество во воени симулации и тактички вежби додека Русија собира сила на границата со Украина.
„Могумина од нас служеле војска и тие вештини мора да се вратат. Мислам дека оваа обука е неопходна за функционерите во земја која е во војна скоро 8 години“, изјави тој.
Убеден е дека неговото минато ќе послужи на најголемиот украински град во случај на конфликт.
„Мислам дека се работи за карактерни особини кои ги делат сите професионални спортисти. Самодисциплината, педантноста, упорноста и силното чувство на фокусирање се клучни принципи кои ќе ви помогнат да успеете, без оглед што правите. Што се однесува до мојот статус на славна личност, моите врски се од голема помош и даваат значајна предност“, изјави тој за британски Telegraph.
Наводно, 100.000 украински воени резервисти се поделени во 25 единици и за задача имаат да ги штитат и одржуваат клучните локации во ред во текот на војна.