Предводникот на Ливерпул, Јирген Клоп, најавува дека неговиот тим следната сезона ќе биде поконкурентен во борбата за титулата отколку оваа.
Во понеделник од 21 часот „Црвените“ на „Ефилд“ ги очекува натпревар од 36. коло на Премиер лигата против Лестер во кој им е потребна победа за да ја продолжат борбата за место во Лигата на шампионите, иако таа задача нема да биде нималку лесна.
Имено, Манчестер Јунајтед има 4 бода повеќе, но и натпревар помалку од „Црвените“ на Клоп, па во овој момент во многу поповолна позиција е тимот на Ерик тен Хаг.
„Јасно ми е тоа, но не се предаваме. Имаме уште три натпревари до крајот на сезоната и ќе се обидеме да ги победиме сите три. Не знам дали ќе биде доволно за да се пласираме во Лигата на шампионите, но на моите играчи е да го направат тоа“, рече Клоп.
Потоа зборуваше за амбициите следната сезона.
„Имавме одредени проблеми оваа сезона, но следната сезона сакаме да бидеме поконкурентни во борбата за титулата. Некои прогнози велат дека потребни се нешто повеќе од 25 натпревари за да се освои шампионскиот пехар и ќе се обидеме да го оствариме тоа следната сезона. Ако во тие 25 се и оние против Манчестер Сити, Манчестер Јунајтед, Њукасл и Арсенал, тоа ќе биде само уште еден плус повеќе“.
Последната титула во Премиер лигата Ливерпул ја освои во 2020 година, а на неа чекаше цели три децении, откако претходно беше шампион на Англија во 1990.