Дали знаете кои се десетте земји во светот во чии парламенти се најмногу застапени жените? Од некои ќе се изненадите.
Најмногу жени пратенички во својот парламент има африканската држава Руанда. Во оваа држава дури има и повеќе пратенички од пратеници, однос 61,3% во парламентот на Руанда се жени, наспроти 38,7% мажи.
На второто место е Куба каде нешто повеќе од половина се жени, односно 53,4%.
Само овие две земји можат да се пофалат со мнозинство пратенички. Следуваат Обединетите Арапкси Емирати каде соодносот е изедначен, односно 50-50.
Од останатите, со процент помал од половина, но сепак прилично висок, се Никарагва (48,4%), Нов Зеланд (48,3%), Мексико (48,2%), Шведска (47%), Гренада (46,7%), Андора (46,4%) и Боливија (46,2%).
Европа, континентот кој важи за најдемократски, има само две земји во топ 10 (Шведска и Андора). Ги нема ниту либералните САД и Канада.
Има и земји каде во пармалентите нема ниту една припадничка на понежниот пол. Такви примери се Микронезија, Вануату и Папуа Нова Гвинеја, сите од регионот Океанија.