Славниот фудбалер Кристијано Роналдо официјално е најпопуларната личност на Instagram, со најмногу следачи. Тоj е првиот и единствениот кој има над 500 милиони следбеници на оваа социјална мрежа.
Роналдо има 124 милиони повеќе следбеници од Лео Меси, кого го следат 376 милиони луѓе. Трета најследена личност на Instagram е Кајли Џенер со 372 милиони следбеници.
Роналдо до оваа фасцинантна бројка дојде благодарение на фотографијата со Меси што ја објави пред два дена и која за краток период собра 37 милиони лајкови.
Ѕвездата на Манчестер јунајтед следи над 500 профили на Instagram.
Според процените, Роналдо заработува околу 2.3 милиони долари по платена објава на оваа платформа. Фудбалерот често ги рекламира компаниите со кои има договори, како и неговите брендови, а често објавува семејни фотографии и јавно споделува интимни моменти од животот.