Бројот на регистрирани нови автомобили во Германија минатата година падна за скоро една петтина, што е одраз на тешките последици од пандемијата.
Светла точка е растечката популарност на електричните автомобили. Во Германија се регистрирани околу 2,92 милиони нови автомобили во 2020 година, што е за 19 проценти помалку отколку во 2019 година, според извештајот на Здружението за автомобилска индустрија (VDA).
Теренските возила сочинуваа една петтина од новите автомобили, а камперите исто така се здобија со популарност бидејќи епидемиолошките мерки го намалија изборот на места за одмор.
„Очекуваме германскиот пазар на автомобили да се опорави во 2021 година. Сепак, веројатно нема да се постигне многу високото ниво од пред корона-кризата“, рече претседателот на VDA, Хилдегард Милер.
Последен пат продажбата значително опадна во 2010 година, кога владата ја згасна големата програма за поттикнување на возачите да ги заменат своите стари автомобили со нови.
И покрај остриот пад во текот на целата година, бројот на регистрирани нови автомобили порасна за 10 проценти на годишно ниво во декември, со регистрирани 311.394 нови возила, пренесува VDA.
Многу купувачи купија автомобили на крајот на годината за да имаат корист од привремено намалување на ДДВ, рече Рајнхард Зирпел, претседател на Здружението на меѓународни производители на моторни возила (VDIK). Пониската даночна стапка важеше до 31 декември како дел од владините напори да ги зголемат трошоците за време на пандемијата.
Автомобилските компании во последно време инвестираат многу во електрификација на моделите, со помош на владата која нуди дарежливи стимулации. Резултатот е трикратно зголемена продажба на електрични возила на батерија во 2020 година, на повеќе од 194.000 единици, според федералниот регулатор за патен сообраќај Kraftfahrt-Bundesamt (KBA).
Со оглед на фактот дека возилата со целосно или делумно електричен погон во Германија достигнаа пазарен удел од 22 проценти во четвртиот квартал од минатата година, владата е на добар пат да ја постигне целта да има седум до десет милиони регистрирани електрични возила на патиштата до 2030 година, вели претседателот на KBA, Ричард Дам.
На крајот на минатата година, електричните возила на батерија учествувале со 1,2 проценти во сите регистрирани патнички автомобили во Германија, за разлика од 0,5 проценти една година порано, според податоците наKBA.
Ова се електрични возила што користат исклучиво хемиска енергија зачувана во батерии на полнење, без секундарен извор на погон. Целата енергија ја добива од батериите и затоа нема мотор со внатрешно согорување или резервоар за гориво.
