Краткиот хорор филм „Smiling Woman“ кој трае помалку од 3 минути, ги избезуми гледачите.
Замислете си како одите да го чекате полноќниот воз и додека седите на станицата, гледате жена во жолт фустан како ве гледа со главата настрана. Што ќе направите тогаш? Колку време имате пред да кажете нешто?
Што ако по моментот откако ќе погледнете во мобилниот, жената ќе ја снема за да се материјализира околу 5 метри од вас?
Режисер на краткиот хорор филм е Алекс Магања, а откако е објавен на YouTube во 219 година има над 7 милиони прегледи и илјадници коментари. Некои велат дека сцената со симнувањето низ скалите ги насмеала, а за други филмот е вистинско ремек-дело.
Љубителите на интернет хорор приказни можат во него да препознаат елементи од друг филм, „The Smiling Man“, кратка приказна за маж кој доцна навечер среќава застрашувачки, на изглед пијан маж. Подоцна, Мајкл Еванс ја адаптира приказната во филмот „2AM: The Smiling Man“, краток хорор филм кој на YouTube има скоро 14 милиони прегледи.
