Кошаркарот на Лос Анџелес Лејкерс, Леброн Џејмс, разговарал со клупските челници за продолжување на договорот, објави ESPN, повикувајќи се на менаџерот на играчот, Рич Пол.
Истиот извор наведува дека двете страни имале продуктивен разговор, но сѐ уште не е договорен нов договор.
Состанокот се одржа на 4 август, првиот ден кога играчот-ветеран можеше да потпише двегодишен договор вреден 97,1 милиони долари. Исто така, Леброн по желба може да ја искористи опцијата и да потпише договор на само една година во износ од 47 милиони долари.
Договорот на 37-годишниот Леброн со Лејкерс, кој го потпиша во 2020 година, истекува на крајот од нареднава сезонаа 2022/23.
Леброн е четирикратен шампион на НБА, а минатата сезона на 56 натпревари од регуларниот дел имаше просек од 30,3 поени со 8,2 скока и 6,2 асистенции.
Лејкерс, да потсетиме, не успеаја да се пласираат во плеј-офот.
