Освен холивудски камери, овој примерок има видено и вистински трки и се проценува на најмалку 16 милиони долари.
За вистинските љубители на автомобили и мотоспортови, Porsche 917K нема потреба да се претставува. Своевремено, овој модел ги подигна дизајнот, инженерството и перформансите на целосно ново ниво и се покажа како доминантен во текот на три сезони на трките на Светското првенство.
Со 12 цилиндри во моторот што со воздушно ладење, развива максимална брзина поголема од 370 км/ч.
Овој примерок е еден од неколкуте автомобили што се користеа за време на снимањето на филмот „Le Mans“ (1971) со Стив Меквин, еден од најпознатите светски актери во втората половина на 20 век и голем љубител на спортски автомобили и трки со автомобили.
Со своите препознатливи сино-портокалови Gulf бои, Porsche 917К неодамна се појави во понудата на класични автомобили од аукциската куќа RM Sotheby’s.
Освен холивудски камери, овој примерок има видено и вистински трки - се натпреваруваше во 1970 година на „24 часа Ле Ман“, а потоа и на европското првенство InterSerie, откако беше редизајниран како 917 Spider, според придружниот материјал на аукциската куќа.
По „пензионирањето“ во 1974 година, новиот сопственик го врати на оригиналните Le mans спецификации, со оригиналниот тркачки број - 22.
Патем, ова не е првиот примерок ставен на аукција. Пред неколку години, второто Porsche 917 од филмот „Le Mans“ достигна цена од 14 милиони долари, што го прави најскапото Porsche досега.
Ќе биде интересно да се види колку ќе продаде овој автомобил. Од Sotheby’s проценуваат дека може да достигне сума помеѓу 16 и 18,5 милиони долари.
