Во четвртата серија тимот на Лос Анџелес Лејкерс успеа да ја оствари третата победа во големото финале над Мајами Хит и да дојде на само една до титулата.
Водството во првата половина од натпреварот наизменично се менуваше: во првата четвртина Лејкерс имаа и +7, а Мајами во втората едно време беше на +5. Некаде од почетокот на третата Лејкерс почнаа целосно да го контролираат водството, повторно доаѓајќи на +7, а Мајами успеа само еднаш во четвртата четвртина да дојде до израмнување.
Леброн Џејмс беше најефикасен со 28 поени, 12 скокови и 8 асистенции, додека по 22 постигнаа неговиот соиграч Ентони Дејвис и Џими Батлер од противничкиот табор.
Сега Лејкерс поведе со 3-1 во партии и се наоѓа на само една победа до заверка на титулата.
Петтата серија од големото финлае е закажана за сабота рано утрото во 3 часот по македонско време.
