Спортскиот директор на парискиот клуб ги разгорува гласините дека следна дестинација на Меси може да биде француската престолнина.
Бразилецот Леонардо признава дека големи играчи, токму како Аргентинецот, секогаш ќе бидат интересни за францускиот гигант.
„Големи играчи како Меси секогаш ќе бидат на листата на желби на ПСЖ. Но, сега не е време да зборуваме за тоа, ниту пак за сонуваме за таков трансфер“, вели тој во интервју за France Football.
„Сепак, ние седиме на масата на која се сите клубови кои внимателно ја следат ситуацијата со Меси. Всушност, ние не седиме на таа маса, туку на нашето столче има резервација, за секој случај“, открива Леонардо.
Додека ПСЖ чека да види што ќе случи помеѓу Меси и Барселона, работи и на обновување на договорите на Килјан Мбапе и Нејмар. Ако носењето на Меси е сон, останувањето на овие двајца е исто така важно.
„Се надевам дека се убедени дека ПСЖ во моментов е добро место за амбициозен фудбалер. Само треба да најдеме заеднички јазик помеѓу нивните желби и побарувања и нашите очекувања и намери. Но, нема да ги молиме: тој што сакаат да остане, ќе остане“.