Роберт Левандовски минатата сезона пристигна во Примера од Бундеслигата и набрзо го изрази своето незадоволство од тамошните судии.
„Ла Лига повеќе не е напаѓачка лига и воопшто не е атрактивна. Шпанските судии се тие кои ја убиваат лигата“, изјави центарфорот за полските медиуми.
Барселона вечерва игра против Осасуна во 4. коло од Примера, а Левандовски во досегашните три настапи сезонава има еден гол и една асистенција. Од доаѓањето во Барселона постигна 34 гола и 9 асистенции.