Напаѓачот на Барселона, Луис Суарес, во наредните денови ќе го продолжи договорот до 2022 година, потврди првиот човек на клубот Жузеп Марија Бартомеу.
Претседателот на Барселона рекол дека сакал со Суарес да потпише подолг договор, иако Уругваецот за пет години ќе го прослави 35 роденден.
„Договоривме нова соработка со Суарес. Сѐ е завршено, останаа само уште некои ситни детали. Во наредните денови ќе го официјализираме договорот“, рекол Бартомеу.
Суарез во Барселона е веќе две и пол години и со тимот освои по две титули во првенството и Купот и една во Лигата на шампионите.
Уругваецот претходно настапувал за Ливерпул, Ајакс, Хронинхен и Насионал.
