Македонската ракометна репрезентација се пласираше на 17-тото место од 24 екипи на Европското првентсво кое се одржува во Германија.
Како трета во својата група, со 2 освоени бода, Македонија во генералниот пласман е пред шесте четвртопласирани репрезентации плус Грузија, која исто така со 2 бода заврши трета во својата група, но има послаба гол-разлика од нас и тоа за само еден гол. По 2 бода имаат и Полска, Чешка и Црна Горан, но тие се пред нас поради подобрата гол-разлика.
13. Шпанија 3 (+2)
14. Црна Гора 2 (-2)
15. Чешка 2 (-3)
16. Полска 2 (-14)
17. Македонија 2 (-17)
18. Грузија 2 (-18)
19. Србија 1 (-2)
20. Фарски Острови 1 (-7)
21. Швајцарија 1 (-15)
22. Романија 0 (-25)
23. Грција 0 (-28)
24. Босна и Херцеговина 0 (-28)
Со комплетирањето на групната фаза се разоткри и изгледот на барабаните за жрепката за баражите за пласман на Мундијалот 2025. Благодарение на освоеното трето место во групата, до кое дојдовме со победата над Швајцарија од 29:27, Македонија ќе биде во привилегираниот барабан со носители и ќе добие послабо рангиран противник. Токму тој еден гол подобра гол-разлика со Грузија се покажа клучен во пласманот во барабаните бидејќи Македонија е најслабо рангирана во барабанот со носители, а Грузија е најдобро рангирана во послабиот барабан.
- Шпанија
- Црна Гора
- Чешка
- Полска
- Македонија
- + уште 6 од ЕУРО 2024
- Грузија
- Србија
- Фарски Острови
- Швајцарија
- Романија
- Грција
- Босна и Херцеговина
- Белгија/Италија
- Естонија/Украина
- Финска/Литванија
- Словачка/Израел/Луксембург
Вкупно 11 репрезентации ќе се пласираат на Мундијалот преку европските баражи, кои треба да се играат во мај. Во март ќе бидат познати последните 4 квалификанти во барабанот со неносители откако ќе се одиграат последните квалификациски натпревари од фазата 2. Денеска и утре Израел и Луксембург играат меѓу себе во последниот натпревар од квалификациската фаза 1.
Преостанатите натпревари од квалификациите:
17/18 јануари
Луксембург - Израел
13/16 март
Белгија - Италија
Естонија - Украина
Финска - Литванија
Словачка - Израел/Луксембург
Мундијалот 2025 ќе се игра од 14 јануари до 2 февруари во Хрватска, Данска и Норвешка. Досега пласирани се трите земји домаќини, актуелниот светски шампион Франција, како и САД кој со вајлд-карта доби шанса поради развој на тамошниот ракомет со оглед на тоа што во 2028 ќе биде домаќин на ЛОИ во Лос Анџелес.
