Ракометната федерација на Македонија (РФМ) ги одреди паричните награди за македонската машка и женска сениорска ракометна репрезентација за пласман на следните големи натпреварувања.
Ракометарите ќе поделат парична награда од 2 милиона денари нето износ за пласман на Светското првенство 2025 во Хрватска, Данска и Норвешка.
Македонија во баражот за пласман на Мундијалот на 8 и 12 април ќе игра против Фарски Острови.
Истата сума ќе ја поделат и ракометарките доколку се пласираат на Европското првенство 2024 во Австрија, Унгарија и Швајцарија.
Ракометарките се на добар пат по подолго време да изборат пласман на едно големо натпреварување. За да се пласираат на ЕУРО, наредниот месец ќе треба да ги победат Азербејџан и Литванија.
