Најдебелиот ракометар во светот, Готје Мвумби, го воодушеви спортскиот свет на Светското првенство во 2021 година кога се истакна како играч на францускиот четвртолигаш Дро во дресот на ДР Конго.
Тогаш во официјалните податоци беше забележано дека е висок само 1,76 метри, а тежок 89 килограми, но впечатокот на сите што го гледаа беше дека ракометарот тежи далеку повеќе од наведените килограми.
Сега е уште потежок отколку тогаш, а се верува дека тежи повеќе од 130 килограми. Но, тој сепак е исклучително ефикасен. Нормално, игра како пикер.
Ракометниот пат по тоа Светско првенство во 2021 година го однесе во САД, а оваа сезона ја започна како играч на француски Руан.
Но, за неколку месеци ќе го видиме во дресот на еден балкански прволигаш.
Имено, грчкиот клуб Диомидис се пофал дека Мвумби од следната сезона ќе го носи неговиот дрес.
„Добредојде, планино!“, му порачаа од грчкиот клуб.
Диомидис е клуб од градот Аргос на Пелопонез, основан е пред 40 години и е двократен шампион на Грција (2012 и 2014 година), а во своите витрини има и еден европски трофеј, Челинџ купот на ЕХФ, кој го освои во 2012 година.