Македонскиот моден бренд Лудус ја доби наградата .„WOW Show“ на Љубљанската модна недела минатиот викенд.
Љубљанската модна недела сезонава се оддржа во посебни услови диктирани од пандемијата, а 10-те дена беа полни со дигитални, ревијални и инсталациски презентации на модните дизајнери од Словенија и регионот. Модната манифестација се затвори на 10 октомври со доделување на наградите за најдобрите презентации и колекции.
Лудус (LUDUS) беше поканет да учествува во делот на модните филмови на дизајнерите кои поради пандемијата беа спречени да бидат присутни на овогодишното издание. Промоцијата се случи на 5 и 6 октомври во МАО – Музејот за архитектура и дизајн на Словенија.
Лудус ја претстави последната колекција „Реквием: Пост-родовост III“ со видео каталог изработен од видеографот Мирослав Илиќ, со моделите Ивана Манасиевска (Моделс Ин) и Стефан Китановиќ и шминка и фризура на Мартина Ивановска.
REQUIEM: POST GENDER CHAPTER IIIREQUIEM: POST GENDER CHAPTER III spring-summer 2021 Videography Miroslav Ilić Hair & make up Martina Ivanovska Models Ivana Models In , Steffen Anat Music Eugenio Mininni - Feedback Dreams Assistance Ivana Sekuloska, Stefan Kitanovik, Nikola Shindre All clothes LUDUS
Posted by LUDUS on Tuesday, October 6, 2020
Колекцијата е трет дел од низата колекции насловени „Пост-родовост“ и ја застапува темата на родова еднаквост и футуристичката визија за елиминирање на родовите и родовите улоги, а овој пат е истовремено и обид на авторот Драган Христов за омаж на западната цивилизација и култура и говори за нејзината деклинација во нашите „анти-интелектуални“ времиња. Присутни се очигледни визуелни референци од античките и класицистичките историски костими што се адаптирани во современ производ без трендовски ознаки.
Лудус е застапен на странскиот пазар преку продажбата од сопствениот сајт ludus.com.mk, неколку интернет продавници во Европа, Англија и САД, како и концептуалната продавница „Пентља“ во Љубљана, долгогодишен застапник на колекциите на Лудус каде може да се најде и оваа колекција.
