Манчестер Сити не успеа да го донесе Деклан Рајс и затоа се свртува кон нови решенија во средниот ред.
Капитенот на Вест Хем ќе стане најскапиот англиски фудбалер досега, откако Арсенал го потврди трансферот за кој според англиските медиуми понудил 105 милиони фунти (околу 125 милиони евра). Англискиот репрезентативец со тоа ќе стане најскапиот играч во историјата на Премиер лигата. Сити бара ново решение, а наводно го нашол во Барселона.
Френки де Јонг беше желба на Пеп Гвардиола уште во 2019 година, но холандскиот играч за врска тогаш реши да премине во Барселона. Шпанскиот гигант му плати 86 милиони евра, а Де Јонг за него одигра 183 натпревари на кои постигна 15 и асистираше на 21 гол. Со Барса освои три трофеи. Во 2021 година го освои Купот на кралот, а минатата сезона шампионатот и Купот на Шпанија.
Transfermarkt го проценува Де Јонг на 75 милиони евра, а тој е договорно врзан за Барселона до летото 2026. Англиските медиуми пишуваат дека Сити ќе се обиде да го доведе и дека за тој трансфер ќе понуди исто како што понудија за Рајс, околу 105 милиони евра.
