Британската манекенка Холи Мекгајр призна дека за малку ќе починела откако се заразила со коронавирусот. Докторите и давале само 15% шанси дека ќе преживее кога ја ставиле на респиратор.
Холи претходно на интернет пишуваше како корнавирусот не постои, дека е измислен и повикуваше луѓето да не се вакцинираат.
„Бев антиваксер, не сакав да се вакцинирам, но сега се уверив дека болеста е реална“, изјави таа за Мирор.
Призна дека одбивала да верува дека има корона се додека самата не завршила во болница каде минала повеќе од 3 недели, од кои две недели била во кома на респиратор.
„Мојот сопруг беше подготвен за најлошото. И се јави на мајка ми и плачејќи и кажа дека можеби нема да се извлечам. Многу пријатели беа антиваксери, зборуваа против вакцините, а јас ги слушав. Ми зборуваа дека со години нема да знаеме дали вакцината е безбедна, а гледајќи вести од дома, владата не ме увери во спротивното“, вели таа.
Додава дека сега жали поради одлуката да не се вакцинира.
„Бев глупава, сега многу жалам за тоа. Кога се заразив тоа беше ужасно, ме погоди како камион да ме удрил. Вакцинирајте се што побрзо“, порача таа.
