Денвер Нагетс со 4-2 ја добија серијата против Феникс Санс. Никола Јокиќ имаше трипл-дабл во оваа серија со што го натера Марк Џексон му се извини што не му даде ниту еден поен во гласањето за МВП.
Јокиќ во шестиот натпревар забележа 32 поена, 10 скока и 12 асистенции, во серијата имаше просек од 34,5 поени, 13,2 скока и 10,3 асистенции.
Само двајца други во историјата на кошарката имаат остварено просечен трипл-дабл во една плеј-оф серија: Леброн Џејмс и Расел Вестбрук.
Во четвртокот вечерта беше откриено дека Марк Џексон е единствениот гласач кој не му дал ниту еден глас на Јокиќ во МВП трката.
Не знаејќи за кого станува збор, поранешниот Ол Стар, Чарлс Баркли го нарече „идиот“.
Марк Џексон му се извини на Никола Јокиќ за неговиот потег:
„Погрешив со гласовите за МВП, им се извинувам на Денвер Нагетс и Никола Јокиќ. Не само што е легитимен МВП кандидат кој го заслужи мојот глас, тој е и еден од најдобрите на сите времиња! Повторно се извинувам“, напиша Џексон на Twitter.
Марк Џексон моментално е коментатор и аналитичар, а своевремено беше фантастичен кошаркар, подоцна и тренер во Голден Стејт Вориорс, кој го отпушти во 2014 година и оттогаш не се занимава со тренерската работа.
Што се однесува до неговата играчка кариера, Џексон своите најдобри денови ги мина во Њујорк Никс, а во 1989 година беше Ол Стар. Тој е еден од најдобрите асистенти и крадци на топки во историјата на лигата.
