Доста интересна информација дојде од НБА лигата, а се работи за маскотата на тимот на Денвер Нагетс, популарниот Роки.
Имено, откриено е дека личноста која го носи костумот на симпатичната пума има годишна плата во износ од дури 625 илјади долари.
Тоа е само 300.000 долари помалку од најмалата плата која ја имаат некои од НБА играчите, но истовремено и повеќе од она што поголемиот број од кошаркарите ширум светот го заработуваат за една година.
Во Европа само мал број на играчи имаат милионска плата, згора на тоа за овие пари поголемиот број на играчи од најсилните европски лиги можат само да сонуваат, а ситуацијата е уште полоша кај кошаркарите од другите континенти.
Покрај Роки, одлично заработуваат и маскотите на Атланта Хокс и на Чикаго Булс. Популарниот јастреб Хери годишно инкасира 600.000, а бикот Бени 400.000 долари.
Листата на 5 најплатени маскоти ја затвораат горилото Гоу на Феникс Санс со 200.000, како и стршленот Хјугоу од Шарлот Хорнетс со плата од 100.000 долари.