Килјан Мбапе донесе конечна одлука - ќе остане играч на ПСЖ до крајот на сезоната и нема да изнуди трансфер во Реал Мадрид ова лето.
Французинот беше исфрлен од првиот тим на Парижаните бидејќи не сака да го продолжи договорот, а ставот на лидерот на ПСЖ е дека Мбапе нема да игра оваа сезона поради непочитувањето што го покажа кон клубот.
ПСЖ ја прифати понудата на Ал Хилал од 300 милиони евра, но Мбапе одби да се пресели таму. ПСЖ побара од Реал Мадрид 250 милиони, што кралскиот клуб го одби и сега Мбапе е во многу непријатна ситуација.
Според Le Parisien, Мбапе донел конечна одлука, а тоа е да остане во ПСЖ до крајот на сезоната, а потоа да се пресели како слободен играч во Реал Мадрид.
Останува да се види дали челниците на ПСЖ ќе се задржат на ставот да го исфрлат Мбапе од тимот и тој да ја преседи цела сезона на трибините.