Медицински техничар од САД се заразил со коронавирус неколку дена откако ја примил вакцината на Pfizer, пишува ABC News.
Метју В.(45), медицински техничар од Сан Диего, ја примил вакцината на Pfizer против коронавирус на 18 декември. Шест дена подоцна, по завршување на неговата смена во ковид амбулантата, Метју почувствувал грозница, болка во мускулите и умор.
Тестот покажал дека е позитивен на коронавирус. Ова сценарио е вообичаено, тврдат научниците.
Луѓето кои ја примиле вакцината не развиваат имунитет на коронавирус веднаш, туку по 10-14 дена. Освен тоа, мора да ја примат втората доза од вакцината бидејќи првата доза ги штити 50%, а втората доза до 95 отсто.
- Можно е дека медицинскиот техничар се заразил со коронавирус пред да ја прими вакцината, со оглед на тоа дека периодот на инкубација може да трае до две недели, велат стручњаците.
