Ирскиот ММА борач Конор Мекгрегор неодамна направи значајна физичка трансформација додека се подготвува да се врати во октагонот.
Мекгрегор се нема борено од јули 2021 година кога противник му беше Дастин Поарје, а таа борба беше прекината бидејќи Ирецот ја скрши ногата. Оттогаш не се борел, а се шпекулира во каква форма е и дали се грижи за своето тело.
Сепак, фотографиите и видеата кои ги објавува на социјалните мрежи покажуваат дека направил голема трансформација и дека влегува во форма каква што досега не ја виделе фановите и противниците.
Тој на Twitter објави фотографија на која се гледа колку ги набилдал рацете. Во описот вели дека мора странично да поминува низ врата. Телото му е пошироко од вратата на тоалетот каде што е фотографиран. Пред неколку месеци рече дека „качил“ 15 килограми мускул и ниту грам сало.
Откако ќе се врати, Мекгрегор има тешка задача. Изгуби неколку борби по ред, а некои тврдат дека никогаш повеќе нема да биде истиот.
И покрај тоа, тој сè уште „прозива“ други борачи, а последни на „мета“ беа Ислам Махачев и Александар Волкановски.
Волкановски не му остана должен:
Во пост најверојатно наменет како „суптилен“ одговор на Волкановски и со цел да ги подгрее фановите, Мекгрегор напиша: „Хејтот нека биде мотивација“.
