Со специјална верзија на бесмртната G-Class, Mercedes-Benz го прославува 55-тиот роденден на AMG, кој од 1999 година стана оддел задолжен за најмоќните и најбрзите модели со трикрака ѕвезда.
Зад името Edition 55 стои Mercedes-AMG G63, со кој германскиот автомобилски магнат го прославува 55-от роденден на познатата компанија AMG од Афалтербах, каде до 1999 година се работеше на тјунинг на Mercedes моделите, по што и официјално стана оддел на Mercedes задолжен за најмоќните и најбрзите модели.
Mercedes ќе го нуди AMG G63 Edition 55 до октомври, а купувачите во Европа ќе можат да избираат помеѓу две бои на каросеријата (Obsidian црна и Opalite бела) на кои и во двете верзии долниот дел од вратата е украсен со стариот стилизиран амблем AMG.
Темните детали на каросеријата се дел од пакетот Night / Night II, натписот AMG е исто така на хромираната обвивка на резервоарот за гориво, а бесмртната „кутија“ на Mercedes е поставена на двобојни 22-инчни армирани алуминиумски бандажи.
Под хаубата нема промени, па G63 Edition 55 го придвижува 4-литарскиот битурбо V8 мотор на AMG кој развива 585 КС и 850 Nm максимален вртежен момент, кој на двете оски се распределува со 9-брзински автоматски менувач.
Автомобилот тежок 2.485 килограми од 0 до 100 км/ч стигнува за 4,5 секунди и развива електронски ограничени 220 км/ч.
Во споредба со стандардниот Mercedes-AMG G63 за Edition 55, во Германија се потребни дополнителни 17.850 евра, а од AMG велат дека ќе има уште „роденденски изненадувања“ во наредните месеци.
