Најробустниот и еден од најскапите модели на Mercedes мора на сервис.
Како што соопштија од Mercedes, по спроведената истрага утврдиле дека треба да се сервисираат 26.116 примероци од класата G. Станува збор за 11.018 единици G 550 и 15.098 G63S, кои се произведени помеѓу 22 јуни 2018 година и 23 декември 2021 година.
Проблемот со сопирачките, односно со работата на системите ABS и ESP, беше забележан на некои примери уште во февруари минатата година. Месец дена подоцна, по истрага, Mercedes откри проблем во вид на контакт помеѓу жиците и ѕидот на ладилникот за масло, што може да доведе до оштетување.
Mercedes потоа одлучи да вметне заштитна обвивка за да спречи директен контакт на компонентите. Бидејќи утврдија дека триењето на компонентите може да резултира со неисправна работа и активирање на предупредувачките светла на системот ABS и ESP, се одлучија за отповикување. Станува збор за возила произведени во Австрија за американскиот пазар, а информацијата ја објави NHTSA.
Досега се добиени 12 пријави за неисправност, но за среќа нема пријавени сообраќајни незгоди кои би можеле да бидат предизвикани од проблем со сопирачките.