Судбината на Meta Quest Pro 2 уредот е неизвесна, па дури и ако не е откажана, како што сугерираат некои извештаи, овие слушалки не можат да се натпреваруваат со слушалките Vision Pro на Apple. Затоа, компанијата Meta сега ги здружи силите со LG во проект за нови супериорни слушалки.
Meta постигна договор со LG Display за OLED микроекрани, меѓутоа, соработката е проширена за да вклучи делови од сестрински компании, батерии од LG Energy и други компоненти произведени од LG Innotek.
Новите слушалки ќе се појават на пазарот во 2025 година и ќе се продаваат по цена од околу 2.000 долари. Quest Pro првично беа со цена од 1.500 долари, но подоцна беше намалена на 1.000 долари. Двете цени се далеку под цената на слушалките Apple Vision Pro, кои ќе чинат 3.500 долари, така што тие не се баш директни конкуренти.
Засега нема информации какви подобрувања ќе имаат Meta Quest Pro 2, или како и да се викаат. OLED микроекраните ќе понудат поголема резолуција од 1.800 x 1.920 пиксели по око на Quest Pro, што изнесува вкупно 7 милиони пиксели. Слушалките на Apple имаат вкупно 23 милиони пиксели.
Meta Quest 3 ќе пристигне оваа есен по цена од 500 долари, но компанијата работи и на поприфатливи слушалки кои ќе се појават на пазарот во 2024 година и ќе чинат помалку од 200 долари. Цената на сегашниот модел Quest 2 е 300 долари.
