Apple веќе не е највредната компанија во светот, туку една друга американска компанија - Microsoft.
Ова се случи во време кога Apple имаше многу лош почеток на деловното работење оваа година во споредба со претходните години.
Вредноста на акциите на Microsoft порасна за 1,5 отсто, со што пазарната вредност на компанијата достигна 2,888 милијарди долари. Растот на вредноста се должи на приходите од вештачката интелигенција што привлече инвеститори.
Пазарната вредност на Apple е 2,887 илјади милијарди долари и ова е првпат од 2021 година пазарната вредност на оваа компанија да биде помала од пазарната вредност на Microsoft. Вредноста на акциите на Apple овој месец се намали за 3,3 отсто, додека вредноста на акциите на Microsoft се зголеми за 1,8 отсто овој месец.
Причината за намалувањето на вредноста на акциите на Apple е загриженоста за продажбата на неговите производи. Тие продажби се очекува да бидат слаби, особено на огромниот кинески пазар. Во моментов на Волстрит владее позитивно расположение кога станува збор за Microsoft, т.е. брокерите препорачуваат купување на акции на оваа компанија, пренесува Reuters.
