Microsoft испрати предупредување до сите кои користат една иста лозинка на повеќе профили.
Во блогот од компанијата наведоа дека забележан е зголемен пораст на хакерски напад во последните година дена, а истите вклучуваат кориснички имиња и лозинки кои протекоа онлајн.
Хакерите се надеваат дека на тој начин ќе дојдат до комбинации кои им овозможуваат пристап до нечиј мејл и профили на социјални мрежи, од каде може да хакираат и банкарски сметки.
Microsoft’s Detection and Response Team (DART) идентификуваше напади, но поради брзите промени во технологијата и методите тешко е да се детектира заканата, пишува The Sun.
Досега се детектирани две најчести методи. Првата вклучува често користени лозинки како што се „password“ или „123456“ а другата вклучува кориснички имиња и лозинки кои во некој момент протекле онлајн.
Google проценува дека над 4 милијарди кориснички имиња и комбинации од лозинки протекле во последните неколку години, а хакерите потоа ги користат со надеж дека истите се користени на повеќе онлајн профили.
За да проверите дали и вашите лозинки се безбедни може да проверите на Password Checkup на Google Chrome и на тој начин да проверите дали сте биле жртва на сајбер напад.
