Во швајцарски Нион беа извлечени двојките од осминафиналето на Лига Европа, а жрепката резултирааше со неколку многу интересни дуели во оваа фаза од натпреварувањето.
Синоќа својот премин го потврдија осум екипи и тоа Милан, Бенфика, Фрајбург, Карабаг, Марсеј, Рома, Спарта Прага и Спортинг Лисабон. Имаат статус на неносители и им се приклучија на екипите кои претходно остварија понатамошен пласман низ групата. Тоа се Аталанта, Брајтон, Леверкузен, Ливерпул, Ренџерс, Славија Прага, Виљареал и Вест Хем.
Ливерпул и Милан како два фаворити за самиот крај ги извлекоа ривалите Прага Спарта и Славија. Среќа имаше и третиот фаворит Баер Леверкузен кој ќе игра против Карабаг. Дербито од ова коло треба да биде двомеч меѓу Рома и Брајтон.
Спарта Прага - Ливерпул
Марсеј - Виљареал
Рома - Брајтон
Бенфика - Ренџерс
Фрајбург - Вест Хем
Спортинг - Аталанта
Милано - Славија Прага
Карабаг - Леверкузен
Натпреварите од осминафиналето ќе се одиграат на 7 и 14 март. Финалето ќе се игра на 22 мај пред 50.000 гледачи во Даблин Арената во Република Ирска.
