Моника Белучи ја краси јануарската насловна страница на германскиот магазин „Madame“ и навистина изгледа магично.
Стајлингот на познатата италијанска актерка за оваа насловна е така изведен што таа е привлечна и одмерена во исто време - проѕирната блуза е комбинирана со црни панталони, а на нејзиното лице доминира посилна шминка.
Белучи доби пофалби во коментарите под објавата на Instagram и многумина се согласија дека не само што е една од најубавите жени на светот, туку и дека никогаш не изгледала подобро.
Претходно, во интервју за The Sunday Times, Белучи изјави дека сака да остари на мирен начин: „Не сум опседната. Отсекогаш сум била жена со облини, никогаш премногу слаба, тоа е мојата природа. И сакам да остарам на мирен начин“, рече таа.
„Кога имате 50 или 60 години, ги немате истите потреби како кога сте имале 20 години. Годините ни даваат поинаква перспектива“, објасни таа.
