Јапонскиот трјунер Mugen го најави своето присуство на саемот на автомобили во Токио со својата верзија на најновата генерација модел Civic Type R на Honda. Фотографиите од хечбекот уште не се објавени, а претставувањето е закажано за јануари на саемот во Токио. Сепак, во меѓувреме е откриен изгледот на концептот базиран на моделот ZR-V.
Honda ZR-V од фабрика излегува со 1,5-литарски турбобензинец и 2,0-литарски хибрид, а двата мотора развиваат помалку од 200 КС. Mugen го опреми својот кросовер со издувен систем со 4 цевки, додека на вратата од багажникот се наоѓа спојлер кој се протега на двете страни на логото на Honda, со останатите ознаки.
Моделот ZR-V, кој во Европа ќе стигне во 2023 година, има и црни додатоци во аглите на задниот браник, како и спојлер на покривот. Mugen подготви масивни прагови и го редизајнираше предниот браник и решетката од ладилникот со намера да добие повеќе на спортски изглед. Новиот сет фелни и црните куќишта на страничните ретровизори со аеродинамични крилца ги заокружуваат промените.
Синото лого на Honda и HEV логото во долниот десен агол на багажната врата се показател дека Mugen на саемот доаѓа со хибридна верзија на моделот ZR-V. Хечбекот и кросоверот ќе ја делат сцената со два тркачки автомобили кои учествуваа во годинашниов Јапонски супер формула шампионат.
Саемот на автомобили во Јапонија ќе се одржи од 13 до 15 јануари во конвенцискиот центар Макухари Месе во градот Чиба.
Покрај моделот Mugen Civic Type R поосетителите ќе го видат и Fairlady Z Customized Edition кој го подготви Nismo.