Португалскиот стратег навива за Англија на Европското првенство и очекува да ја гледа во големото финале.
Откако неговата Португалија испадна, на Жозе Мурињо му остана втората татковина - Англија. Откри дека не само што жестоко навива за лулката на фудбалот, туку и си ја пее „It's coming home“, песната со која навивачите порачувата дека пехарот ќе се врати дома.
„Си ја потпевнувам 'It's coming home' за да ја искажам мојата среќа. Но, сѐ уште не е на пат за дома“, вели Мурињо на гостувањето во talkSPORT.
„На Англија ѝ е потребен баланс во лошите и во добрите моменти. Исто како кога медиумите критикуваат во лошите моменти, мора да бидат балансирани, долг е патот до крајот“, порача тој.
Со победата во големото дерби над Германија, Англичаните сега во четвртфиналето ги чека пресметка со изненадувањето Украина на Андриј Шевченко.
„При нормални услови Англија треба да стигне до финалето бидејќи не верувам дека ќе загубат од екипите кои им стојат на патот. Но, мораме да ја почитуваме фудбалската игра и нејзината непредвидливост. Франција не е во четвртфиналето бидејќи не покажа апочит кон играта во последните десет минути“
Доколку Англија ја мине Украина, тогаш во полуфиналето ќе се соочи со победникот од дуелот на Чешка и Данска. Навидум има навистина лесен пат до финалето бидејќи барем на хартија важи за фаворит проти сите овие репрезентации.
„Многу сум, многу задоволен. Навистина се надевам дека сѐ добро ќе заврши, се надевам дека ќе си дојде дома. Но, фудбалот е фудбал, па би им порачал да останат смирени и да се сконцентрираат на наредниот натпревар“, додаде Португалецот.
„Според мене Англија е подготвена на сѐ и ќе бидам ,многу разочаран доколку не стигнат до финалето бидејќи треба, дефинитивно треба да стигнат“.
За разлика од патот на Англија, на другата страна финалистот ќе се бара помеѓу многу пореномирани репрезентации, односно Белгија, Италија и Шпанија, а тука е и Швајцарија.