Жозе Мурињо даде свое мислење за тоа кое е најголемото италијанско дерби и образложи од лично искуство зошто е тоа така.
Специјалниот гостуваше во подкастот „FIVE“ на поранешниот англиски репрезентативец Рио Фердинанд, каде имаше долго интервју.
Откако зборуваше за напуштањето на Рома, која му врачи отказ, Мурињо се осврна на темата за најголемите фудбалски ривалства кои ги доживел во кариерата. За него нема дилема - во Италија најголемо е она помеѓу Интер и Јувентус, популарно наречено Дерби д'Италија.
„Интер - Јуве е вистинското ривалство, не Интер - Милан. Го паметам првото дерби со 'Росонерите'. Бев во нашиот автобус, гледав надвор и видов навивачи во Интер и Милан шалови како пристигнуваат заедно, многу пријателски: не го почувствував како големо дерби. Кога играш со Интер против Јуве, напротив, веднаш чувствуваш дека меѓу двата тима има некоја комплицирана историја“, рече Мурињо.
Во однос на разделбата со Рома, рече: „Не е првпат да си заминам од некој клуб, но оваа одлука ми причини најмногу штета“.
Целосното гостување на Мурињо во подкастот на Фердинанд во три дела: