Рафаел Надал нема да ја заврши кариерата по освојувањето на Ролан Гарос, па најави настап на Вимблдон.
Надал во неделата ја освои 14-та титула на Ролан Гарос со триумфот во финалето над Норвежанецот Каспер Руд со 6:3, 6:3, 6:0, а во интервју за шпанските медиуми детално објасни низ што поминал на турнирот и зборуваше за планови за иднината.
„Играв две недели во екстремни услови под инјекции кои ми го анестезираа левото стапало. Поради анестезијата немав чувство во стапалото“, изјави Надал и додаде:
„Ми помогнаа анестетиците што ги внесов директно во нервот, а сега ќе ја сменам терапијата. Станува збор за примање пулсни радиофреквентни инјекции кои можат да ја намалат чувствителноста на нервот во стапалото, а тоа ми помогна и ја ублажувам болката во минатото. Го чувствувам тоа, а радиофреквенцискиот третман е многу поконтролиран затоа што половина го ‘заспива’ нервот. Ќе видиме како ќе изгледа во сезоната на трева и мојот настап на Вимблдон“, изјави Надал, кој се издвои на самиот врв со 22 Грен слем турнири.
