Рускиот тенисер Андреј Рубљов направи неверојатен потег и на одличен начин го заврши поенот против Александер Бублик, па дури и неговиот противник остана воодушевен од тоа што го направи.
При резултат 5:4 и 30-15 во петтиот сет за Рубљов, Бублик одигра извонредна бекхенд паралела и се чинеше дека го освои поенот, но Рубљов се фрли и стигна до поен со невозможен удар.
Навивачите беа воодушевени, Бублик не можеше да поверува што погоди Русинот и скаменет гледајќи го делот од теренот каде што падна топката, а коментаторот на Sport Klub само накратко рече: „Сега нема да кажам ништо“.
Трикратниот шампион на Вимблдон, Џон МекИнро, говорејќи за BBC го опиша поенот како еден од „најдобрите удари што сме ги виделе“, додавајќи дека тоа било одличен начин да се заврши натпреварот.
На крајот Рубљов успешно сервираше за меч и прв пат се пласираше во четвртфиналето на Вимблдон (7:5, 6:3, 6:7, 6:7, 6:4).