Принцезата Шарлин од Монако повторно се огласи на Instagram откако ја напушти психијатриската установа. Овој пат објави фотографија со ќерката Габриела.
„Уживав во секој момент додека ја подготвував принцезата за нејзиниот прв официјален настан. Се радуваме за одличната вечера што ќе ја минеме на доделувањето на модните награди“, напиша Шарлин во описот на фотографијата.
Модната недела во Монте Карло е во тек, а меѓу покровителите е токму принцезата Шарлин. Синоќа беа доделени MCWF модните награди.
Иако Габриела повеќе пати има присуствувано на големи настани со родителите, ова е прв пат да биде видена со Шарлин на Мoдната недела во Монте Карло.
Во последните неколку месеци Шарлин привлече внимание во јавноста бидејќи беше на лекување во психијатриска установа во Швајцарија. Не се познати детали во јавноста за причините, се шпекулира дека била малтретирана од принц Алберт, токму затоа е наречена „најтажната принцеза во светот“.
Шарлин се врати дома во март, а неодамна присуствуваше и трката на Формула 1 во Монако.
