Шведската манекенка Елса Хоск присуствуваше на 77. издание на Канскиот филмски фестивал и предизвика воздишки кај присутните благодарение на беспрекорниот стајлинг.
Оваа убавица се појави на премиерата на The Count Of Monte-Cristo на Матие Делапорт и Александре де ла Пателје.
„Благодарам на Tiffany’s за најубавите дијаманти и на брендот Prabal Gurung за класичниот, безвременски, прекрасен фустан. Ова е момент кој ќе го паметам до крајот на мојот живот“, изјавила меѓу другото.
Изгледот го комплетираше со класична фризура и елегантна шминка со црвен кармин.
Досега има соработувано со брендовите Vesace, Dior, Jean Paul Gaultier, YSL, Balmain, Isabel Marant, Miu Miu, Dolce&Gabbana итн. Од 2011 до 2018 година, ги красеше ревиите на Victoria's Secret.
Models.com ја вброи како 15-та најсекси манекенка во светот. Таа исто така соработува со организацијата за борба против трговија со луѓе FAIR Girls.
Од 2015 година е во врска со британскиот бизнисмен Том Дејли. Во февруари 2021 година, тие ја добија ќерката Тули.
