Познатата манекенка Бела Хадид официјално е најубавата жена во светот, барем така тврдат научници кои го пресметаа златниот пресек за совршени црти на лицето.
Таа секојдневно објавува фотографии од нејзината работа, но и од нејзиното секојдневие. Сега одлучи со публиката да сподели и нејзини утрински фотографии, односно да покаже како изгледа по будењето од кревет.
Како што може да се види Бела изгледа убаво и без гламурозни шминка и фризура, во бела ноќница со разбушавена коса и широка насмевка. Со ваквиот потег таа воедно покажа дека ниту таа не е подготвена за модната писта веднаш штом ги отвори очите и дека изгледа како и повеќето девојки во секојдневно, домашно издание.
Овој нејзин потег им се допадна на многу нејзини обожаватели, кои и порачаа дека е родена да биде пред камера, но исто така е и доста охрабрувачки за многу жени тоа што таа ја покажува и нејзината реална слика, не само онаа разубавената што ја гледаме во модните списанија.
