Британската манекенка Наоми Кембел е заштитно лице на новата колекција на TB Summer Monogram на Burberry.
Колекцијата вклучува бикини со прерамки, панталони со низок струк, фустан со средна должина, комбинезони итн.
„Сакавме да го покажеме оптимизмот што доаѓа со доаѓањето на летото и чувството на ентузијазам што владее во овој период. Наоми беше нашиот прв и единствен избор“, рече дизајнерот Рикардо Тиши.
Камбел исто така го пофали Тиши: „Волшебно е да се работи со Рикардо. Тој има единствена визија и секогаш успева да го 'извади' мојот максимум“.
Додаде и колку ѝ претставува чест да работи со бренд како Burberry. Основан во 1856 година во Лондон, денес се смета за модна институција.
„Британскиот стил секогаш поставува трендови. Тоа значи не само облека, туку и начин на живеење“, рече таа.
На колекцијата работеа и фотографот Данко Штајнер, стилистката Кетрин Баба, шминкерот Адам Флајшхауер, фризерката Џауара Уочоп и визуелниот уметник Фредерик Хејман.