Ревијата на британскиот бренд Alexander McQueen во Лондон предизвика внимание поради појавата на 53-годишната Наоми Кембел.
Таа гордо прошета пред присутните, а според многумина сѐ уште важи за кралица на пистата. На Instagram сподели видео и фотографии од ревијата и ги одушеви обожавателите.
„Прекрасна си“, „Засекогаш убава“, „Тоа е тој начин на одење“, се дел од коментарите под објавата која има скоро 300.000 лајкови.
Супермоделот Наоми Кембел во 2021 година стана мајка. Се шпекулира дека нејзината ќерка е родена од сурога-мајка, но таа тоа никогаш не го потврди, ниту одрече. Во интервју изјави дека е нејзино биолошко дете, односно дека девојчето не е посвоено.