Славната манекенка Наоми Кембел успеа да го привлече вниманието на новинарите кога се појави на црвениот килим во Кан.
Облечена во смела црна креација со пердуви и длабоко деколте, Наоми се појави за проекцијата на филмот „Decision To Leave“.
Целосно црната креација беше дополнета со плетен дијамантски ѓердан со сафир.
„Decision To Leave“, на чија проекција присуствуваше, е јужнокорејски филм од 2022 година, на режисерот Парк Чан Вук.
Претходно, манекенката беше забележана како пристигна во хотелот Eden Rock, заедно со нејзината ќеркичка. Засега не е познато како се вика девојчето кое е родено минатата година, со помош на сурогат мајка.
„Таа не е посвоена, мое дете е“, изјави тогаш Наоми.