Бразил и Аргентина играат финале на Копа Америка во недела навечер во два часот по полноќ по наше време.
Финалето се игра на Маракана во Рио де Жанеиро, а атмосферата во бразилската репрезентација е лоша. Во Бразил има сѐ повеќе навивачи кои сакаат Лионел Меси конечно да освои нешто со Аргентина, а многу Бразилци беа против изборот на домаќин на Копа Америка оваа година. Од овие две причини, сè повеќе Бразилци навиваат за Меси и за Аргентина.
Бразилците навиваат за Меси?
Затоа бразилските ѕвезди се револтирани. Ги прозиваат медиумите за создавање лоша атмосфера, затоа што некои локални медиуми пишуваат за бразилските фудбалери дека биле арогантни ѕвезди. Покрај тоа, играчите не ги штедат ни бразилските легенди кои работат како ТВ-коментатори.
„Тешко е. Гледаме Бразилци, многу луѓе кои работат во медиумите кои се отворено против нас, кои не ја поддржуваат репрезентацијата на Бразил и кои немаат задоволство и гордост да нè гледаат и да нè поддржуваат“, рече Бразилскиот дефанзивец Маркињос.
Нејмар се огласи на Instagram
Бразилскиот новинар Фабиола Андраде јавно изјави дека ќе ја поддржи Аргентина поради Меси. Затоа Нејмар полуде:
„Јас сум Бразилец со голема гордост и љубов кон својата татковина. Отсекогаш сум сонувал да го носам бразилскиот дрес и да ја слушам песната на нашите навивачи. Навивам за Бразил во кој било спорт, на кое било натпреварување. Ако Бразилец се натпреварува во моделирање, го поддржувам. Ако е во прашање Оскар или што и да е друго, ги поддржувам Бразилците. Каде и да игра Бразил, го поддржувам. И се прашувам: Кој е Бразилец и не го прави истото? Добро, го почитувам тоа, ама одете во бестрага“, напиша Нејмар на социјалните мрежи.
Меси игра за Аргентина од 2005 година. Има 150 настапи и 76 голови, но не успеа да освои ниту еден трофеј со репрезентацијата. Затоа многумина му посакуваат златен медал на оваа Копа во Бразил.
Уругвај го држи рекордот по бројот на освоени Копа Америка -15. Аргентина има една победа помалку, а Бразил девет пати бил шампион на Јужна Америка.
