Стоперот на Манчестер Јунајтед, Хари Мегваер, повторно се најде во центарот на вниманието на англиската јавност откако го удри Пол Погба по глава на натпреварот против Норич.
Споменатата ситуација се случи во 61. минута од натпреварот при резултат 2:2 кога Мегваер се обиде да дојде до топката за својот тим при еден офанзивен прекин и во таа желба отиде чекор напред и ја пушти десната нога во воздух наназад и го погоди Погба во глава.
Англиските медиуми веднаш најдоа речиси идентичен потег на Мегваер во пресрет на почетокот на мечот, кога и тој на загревање ја крена ногата високо над главата.
Инаку, Мегваер во последните месеци беше под жесток удар од навивачите и легендите на Манчестер Јунајтед, а поради лошите настапи оваа сезона дури и англиските навивачи го исвиркаа на пријателските натпревари.
Она што сепак е најважно за Манчестер Јунајтед е фактот дека „црвените ѓаволи“ се вратија во борбата за четвртата позиција која води во Лигата на шампионите следната сезона, по вчерашната победа и поразот од Тотенхем и Арсенал.
Херојот на Манчестер Јунајтед вчера беше големиот Кристијано Роналдо кој постигна хет-трик и така всушност го собори противникот и му донесе исклучително важна победа на неговиот тим.