Пристигнуваат изненадувачки вести од Австралија Опен три месеци пред почетокот на турнирот.
ВТА со писмо ги информираше играчите за условите под кои ќе можат да дојдат на Австралија Oпен 2022, објави новинарот Бен Ротенберг.
Во писмото се вели дека сите играчи мора да приложат негативен тест за коронавирус најмногу 72 часа пред поаѓање во Австралија, а потоа уште еден во рок од 24 часа по пристигнувањето.
Целосно вакцинираните играчи после тоа не подлежат на никакви ограничувања. Од играчите кои нема да бидат вакцинирани ќе се бара да поминат двонеделен карантин во хотелот, а потоа редовно да се тестираат. Не е наведено дали ќе можат да тренираат додека се во изолација.
Сепак, се остава можност, во зависност од актуелната ситуација со пандемијата, овие услови да можат да се променат. Останува прашањето дали и тенисерите ќе имаат ист статус како што се претпоставува.
Последните недели се разговараше дали Новак Ѓоковиќ ќе дојде во Мелбурн да ја брани титулата. Тој не сакаше јавно да каже дали е вакциниран.
„Јас го заземам ставот што го заземам и отсекогаш исто сум размислувал. Не сакам да го откријам мојот статус дали се вакцинирав или не. Тоа е приватна работа и според нашиот закон, кој и да ве праша, можете да го гоните бидејќи ве прашал. Тоа е неумерено прашање. Премногу луѓе денес си дозволуваат таква слобода да прашуваат работи и да осудуваат. Што и да одговорите: ‘Да, не, мжеби, не знам, размислувам’, ќе го злоупотребат тоа“, рече Ноле, меѓу другото.
Читајте наредно: Ѓоковиќ: Нема да откријам дали сум вакциниран или не
Останува да се види реакцијата на АТП, но извесно е и логично дека и тенисерите ќе можат да учествуваат.
Австралија Опен се игра од 17 до 30 јануари 2022 година.
